இலவச பெட்ரோல் கேட்டு வாக்குவாதம்..கத்தியால் தாக்கிய போதை ஆசாமி..

புதுச்சேரியில், இலவசமாக பெட்ரோல் நிரப்பக்கூறி, ஊழியரை போதை நபர் கத்தியால் தாக்கும் சி.சி.டி.வி. காட்சிகள் வெளியாகியுள்ளன. புதுச்சேரி-விழுப்புரம் நெடுஞ்சாலை, திருவாண்டார்கோயில் பகுதியில் உள்ள பெட்ரோல் பங்க்கில் நேற்று பணியில் இருந்த சரவணனிடம், 35 வயது மதிக்கத்தக்க போதை நபர், தனது இருசக்கர வாகனத்திற்கு இலவசமாக பெட்ரோல் நிரப்பச்சொல்லி வாக்குவாதம் செய்தார். இதற்கு சரவணன் மறுத்ததால் ஆத்திரமடைந்த அந்த நபர், தான் மறைத்து வைத்திருந்த கத்தியால் சரவணனை தாக்கியுள்ளார். அப்போது சுதாரித்த சரவணன், போதை நபரை கீழே தள்ளிவிட்டு அங்கிருந்து ஓடிவிட்டார். கத்தியால் தாக்கிய திருவாண்டார்கோயிலை சேர்ந்த ராஜாவை போலீசார் கைது செய்தனர்.