போலீசாருடன் இருதரப்பினர் வாக்குவாதம் - கள்ளக்குறிச்சியில் பரபரப்பு

சின்னசேலம் வட்டாட்சியர் அலுவலகத்தில் கோயில் திருவிழா தொடர்பான சமாதான கூட்டத்தில், போலீசாருடன் இருதரப்பினர் வாக்குவாதத்தில் ஈடுபட்டதால் பரபரப்பு ஏற்பட்டது.

கள்ளக்குறிச்சி மாவட்டம் தகரை கிராமத்தில் செல்லியம்மன், மாரியம்மன் கோயில் அமைந்துள்ளது. கோயிலில் வரும் 8 ஆம் தேதி குடமுழுக்கு நடைபெறவுள்ள நிலையில், அக்கிராமத்தை சேர்ந்த ஒரு சமூகத்தினர், குடமுழுக்கு விழாவில் தங்களுக்கும் ஒரு கரை வேண்டும் என கோரினர். இதனால் இருதரப்பினரிடையே மோதல் வெடிக்கும் சூழல் ஏற்பட்டதால், நேற்று வட்டாட்சியர் தலைமையில் அமைதிக்குழு கூட்டம் நடைபெற்றது. 4 மணி நேரம் நடைபெற்ற இந்த கூட்டத்தின்போது, இருதரப்பினரும் போலீசாருடன் வாக்குவாதம் செய்ததால் பரபரப்பு ஏற்பட்டது. இதனிடையே கூட்டத்தில் இறுதிவரை உடன்பாடு எட்டப்படாததால், இந்த விவகாரம் தொடர்பாக ஊரில் பேசி முடிவு செய்யவும், அதுவரை கும்பாபிஷேகம் நடத்தகூடாது எனவும் முடிவெடுக்கப்பட்டுள்ளது.