நீ பெரிய ரவுடியா..இல்ல நான் பெரிய ரவுடியா? வாய் தகராறில் ஓட ஓட கத்தி குத்து.சென்னையை அதிர வைத்த கொலை

சென்னை வேளச்சேரி பகுதியைச் சேர்ந்தவர் வெறி தினேஷ். ஆட்டோ ஓட்டுநரான இவரை, கிண்டி வண்டிக்காரன் தெரு பகுதியில் 2 பேர் விரட்டிக் கொண்டு வந்துள்ளனர். இவர்களிடம் இருந்து தப்பிக்க தினேஷ் அருகில் உள்ள மளிகைக் கடைக்குள் புகுந்த நிலையில், விரட்டி வந்தவர்கள் கத்தியை காட்டி மிரட்டி கடை உரிமையாளரை கடையில் இருந்து வெளியேற்றியுள்ளனர். வெளியே வந்த கடை உரிமையாளர் கடையின் ஷட்டரை மூடி பூட்டிவிட்டு போலீசாருக்கு தகவல் அளித்துள்ளார். சம்பவ இடத்திற்கு வந்த போலீசார், கடையின் ஷட்டரை திறந்து பார்த்தபோது, தினேஷ் ரத்த வெள்ளத்தில் பிணமாக கிடந்துள்ளார். இது தொடர்பாக சீசி மணிகண்டன், ஊசி உதய் ஆகியோரை போலீசார் கைது செய்தனர். விசாரணையில், யார் பெரிய ரவுடி என்ற போட்டியில் கொலை நடந்தது அம்பலமாகியுள்ளது. இந்த வழக்கு தொடர்பாக இதுவரை 6 பேரை கைது செய்துள்ள போலீசார், மேலும் சிலரை தேடி வருகின்றனர்.