ஆற்றில் மூழ்கி மாணவிகள் 4 பேர் உயிரிழந்த சம்பவம் - "சக மாணவிகளுக்கு உளவியல் ஆலோசனை..." அமைச்சர் அன்பில் மகேஷ்

புதுக்கோட்டை மாவட்டம் பிலிப்பட்டி ஊராட்சி ஒன்றிய நடுநிலைப்பள்ளியில் படித்த நான்கு மாணவிகள் உயிரிழந்ததை அடுத்து, அந்தப் பள்ளியில் படிக்கும் மாணவிகளுக்கு மனநல ஆலோசனை வழங்க அமைச்சர் அன்பில் மகேஷ் உத்தரவிட்டுள்ளார்.
இது தொடர்பாக அவர் வெளியிட்ட அறிவிப்பில், மாயனூர் காவேரி ஆற்றில் மூழ்கி உயிரிழந்த மாணவிகளின் இழப்பை எந்த வகையில் ஈடு செய்ய முடியாது என்றார்.
இந்த பேரதிர்ச்சியில் இருந்து மீள்வதற்கு சக மாணவிகளுக்கு உளவியல் ஆலோசனை வழங்கப்படும் என, அமைச்சர் அன்பில் மகேஷ் குறிப்பிட்டார்.