நீட் தேர்வுக்கு இதையெல்லாம் கட்டாயம் எடுத்து செல்ல வேண்டும் - வெளியான முக்கிய அறிவிப்பு..!

தேர்வு எழுதுபவர்கள் அனைவரும், நீட் 2023 ஹால் டிக்கெட்களை கட்டாயம் எடுத்துச் செல்ல வேண்டும். இணையம் மூலம் தரவிறக்கம் செய்யப்பட்ட ஹால் டிக்கெட்டில் சமீபத்தில் எடுக்கப்பட்ட பாஸ்போர்ட் அளவு வண்ணப் புகைப்படத்தை உரிய இடத்தில் ஒட்டியிருக்க வேண்டும். மத்திய அரசினால் அங்கீகரிக்கப்பட்ட அடையாள சான்றுகளில் ஏதேனும் ஒன்றின் ஒரிஜினல் அட்டையை எடுத்துச் செல்ல வேண்டும். ஆதார் அட்டை, பாஸ்போர்ட், வாக்காளர் அடையாள அட்டை, ஓட்டுநர் உரிமம், புகைபடத்துடன் கூடிய ரேசன் அட்டை அல்லது மத்திய அரசினால் வழஙக்ப்பட்ட, புகைபடத்துடன் கூடிய இதர வகை அடையாள அட்டை, இவற்றில் ஏதாவது ஒன்றை எடுத்துச் செல்ல வேண்டும். நீட் தேர்வு எழுதும் மாற்று திறனாளிகள், மத்திய, மாநில அரசுகளினால் அளிக்கப்படும் மாற்று திறனாளிகள் சான்றிதழை எடுத்துச் செல்ல வேண்டும். சமீபத்தில் எடுக்கப்பட்ட, பாஸ்போர்ட் அளவு கொண்ட புகைப்படம் ஒன்றையும் எடுத்துச் செல்ல வேண்டும்.