ரூ. 28.45 கோடி மதிப்பில் ஆகாய நடைபாதை.. தி. நகரில் இன்று திறந்து வைக்கிறார் முதலமைச்சர்

சென்னை, தியாகராயநகர் பகுதியில் புதிதாக கட்டப்பட்டுள்ள நடைமேம்பாலத்தை முதலமைச்சர் ஸ்டாலின் இன்று திறந்து வைக்கிறார்.

சென்னை தியாகராய நகரில் கூட்ட நெரிசலைக் கட்டுப்படுத்தும் வகையில் ரயில் நிலையம் மற்றும் பேருந்து நிலையம் இடையே 600 மீட்டர் நீளமும், 4 மீட்டர் அகலமும் கொண்ட ஆகாய நடைபாதை அமைக்கப்பட்டுள்ளது. ரெயில் பயணிகள் மற்றும் பொதுமக்களின் வசதிக்காக 28 கோடியே 45 லட்ச ரூபாய் மதிப்பீட்டில் கட்டப்பட்டுள்ள இந்த ஆகாய நடைபாதை பணிகள் முழுமையாக நிறைவடைந்ததை தொடர்ந்து, திறப்பு விழா இன்று நடைபெறுகிறது. ஆகாய நடைபாதையை முதல்வர் ஸ்டாலின் இன்று திறந்து வைக்கிறார்.

மஞ்சள் வண்ணம் பூசப்பட்ட இந்த பாலம், நேற்று இரவு வண்ண விளக்குகளால் ஜொலித்தது.