அதிமுக முன்னாள் MLA வீட்டை நொறுக்கி தீ வைப்பு - மதுரையில் பரபரப்பு | AIADMK

மதுரை அருகே கோயிலில் முதல் மரியாதை பெறுவதில் ஏற்பட்ட தகராறில், அதிமுக முன்னாள் எம்.எல்.ஏ. வீடு சூறையாடப்பட்டதோடு, காருக்கும் தீ வைக்கப்பட்டதால் பரபரப்பு ஏற்பட்டுள்ளது.

மதுரை மாவட்டம் வாடிப்பட்டி அருகே கருவனூர் கிராமத்தில் உள்ள கருப்பசாமி கோவில் விழா கடந்த வாரம் நடைபெற்றது. இதில் முதல் மரியாதை பெறுவது தொடர்பாக அதிமுக முன்னாள் எம்எல்ஏ பொன்னம்பலம் மற்றும் திமுக கிளை செயலாளர் வேல்முருகன் ஆகியோருக்கு இடையே தகராறு ஏற்பட்டுள்ளது. இந்நிலையில், முன்னாள் எம்எல்ஏ பொன்னம்பலம் வீட்டிற்குள் நுழைந்த வேல்முருகன் தரப்பினர், டீ.வி. உள்ளிட்ட பொருட்களை நொறுக்கியதோடு, அவரது காருக்கும் தீ வைத்த‌தாக தெரிகிறது. இந்த சம்பவம் குறித்து சத்திரப்பட்டி காவல்நிலைத்தில் முன்னாள் எம்.எல்.ஏ பொன்னம்பலம் புகார் அளித்துள்ளார். முன்னாள் எம்எல்ஏ காருக்கு தீ வைக்கப்பட்ட சம்பவம் மதுரை மாவட்டத்தில் பதற்றத்தை ஏற்படுத்தியுள்ளது. பொன்னம்பலம் கடந்த 2001 ஆம் ஆண்டு சமயநல்லூர் தொகுதியில், அதிமுக சார்பில் போட்டியிட்டு வெற்றி பெற்றது குறிப்பிடத்தக்கது.