அதிமுக 50ம் ஆண்டு பொன்விழா - எம்ஜிஆர் இல்ல வளாகத்தில் பிரம்மாண்டமாக செட் - சசிகலா ஆதரவாளர்கள் சார்பில் பூமி பூஜை

அதிமுகவின் 50 ஆம் ஆண்டு பொன்விழா வருகின்ற 17ஆம் தேதி நடைபெற உள்ளது. இந்நிலையில், அதிமுகவிற்கு முன்னதாகவே அமமுகவினர், சசிகலா ஆதரவாளர்கள் சார்பில் ராமாபுரத்தில் உள்ள முன்னாள் முதல்வர் எம்ஜிஆர் இல்ல வளாகத்தில் பிரம்மாண்டமாக செட் அமைக்கும் பணி பூமி பூஜையுடன் தொடங்கியது. இதில் வருகின்ற 17ஆம் தேதி சசிகலா கலந்து கொண்டு உரை நிகழ்த்தி பல்வேறு நலத்திட்ட உதவிகளை பொதுமக்களுக்கு வழங்க உள்ளதாக தெரிவிக்கப்பட்டு உள்ளது. இதற்காக 4 ஆயிரம் சதுர அடியில் 5ஆயிரம் பேர் வரை அமரக்கூடிய அளவிற்கான மேடைகள் அமைக்கும் பணி நடைபெற்று வருகிறது.