திருடிய வீட்டிலேயே 5 நாட்கள் கழித்து நகை, பணத்தை வீசி சென்ற 'உத்தம' திருடர்கள்

சேலத்தில், திருடிச் சென்ற நகை, பணத்தை 5 நாட்களுக்குப் பிறகு, வீட்டு வாசலில் வீசிச் சென்ற மர்ம கும்பல் குறித்து போலீசார் விசாரணை நடத்தி வருகின்றனர். தாதகாப்பட்டி பகுதியை சேர்ந்த சசிகுமார் என்பவர் வீட்டில் இருந்து 13 சவரன் நகை, ஒரு லட்சத்து 40 ஆயிரம் பணம் மாயமாகி இருந்தது. இதுதொடர்பான புகாரின் பேரில் போலீசார் விசாரணை நடத்தி வந்தனர். இந்த நிலையில், பணம், நகை திருடிச் சென்ற மர்ம நபர்கள், அவற்றை ஒரு மஞ்சள் பையில் வைத்து கட்டி, நள்ளிரவில் சசிகுமாரின் வீட்டு வாசலில் வீசிவிட்டுச் சென்றுள்ளனர்