மதுரையில் சுற்றும் டவுசர் கொள்ளையர்கள் சிசிடிவி-யை பார்த்ததும் பகீர் செயல் - அதிர வைக்கும் சம்பவம்

வாடிப்பட்டி அருகே கொள்ளையடிப்பதற்காக, நள்ளிரவு நேரத்தில் வீடுகளை டவுசர் கொள்ளையர்கள் நோட்டமிடும் சிசிடிவி காட்சி வெளியாகி பரபரப்பை ஏற்படுத்தியுள்ளது. மதுரை மாவட்டம் கோவில் பாப்பாகுடியின் புறநகர் பகுதிகளில், அரைக்கால் சட்டை மட்டுமே அணிந்த கொள்ளையர்கள், பட்டாக்கத்தி உள்ளிட்ட ஆயுதங்களோடு வீடு வீடாக சென்று நோட்டமிட்டுள்ளனர். அப்போது சிசிடிவி கேமராக்களை பார்த்த அவர்கள், அவற்றை உடைத்து சேதப்படுத்திவிட்டு தப்பி சென்றுள்ளனர். சிசிடிவி கேமராவில் பதிவான காட்சிகள் மூலம் இதனை அறிந்து அதிர்ச்சியடைந்த அப்பகுதி மக்கள், இதுதொடர்பாக போலீசாரிடம் புகாரளித்துள்ளனர். இதனையடுத்து டவுசர் கொள்ளையர்களை போலீசார் தேடி வரும் நிலையில், இந்த சம்பவத்தின் சிசிடிவி காட்சிகள் வெளியாகியுள்ளது.