பள்ளி முடிந்து இரு சக்கர வாகனத்தில் வீடு திரும்பிய மாணவர்கள் - டிராக்டர் மீது மோதி விபத்து

கள்ளக்குறிச்சி மாவட்டத்தில் டிராக்டர் மோதி அரசு பள்ளி மாணவன் உயிரிழந்த சம்பவம் சோகத்தை ஏற்படுத்தியுள்ளது.

கள்ளக்குறிச்சி மாவட்டம் ரிஷிவந்தியம் பகுதியை சேர்ந்தவர் அபூபக்கர். இவர் அருகில் உள்ள அரசு பள்ளியில் பத்தாம் வகுப்பு படித்து வந்த நிலையில், மாலையில் பள்ளி முடிந்து சலாம் என்ற மாணவருடன் இருசக்கர வாகனத்தில் வீடு திரும்பியுள்ளார். அப்போது, அரியந்தக்கா அருகே மாணவர்கள் பயணித்த இருசக்கர வாகனம் மீது கரும்பு ஏற்றி வந்த டிராக்டர் மோதி விபத்து ஏற்பட்டுள்ளது. இதில், அபூபக்கரின் இடது காலில் டிராக்டர் ஏறிய நிலையில், படுகாயமடைந்த அபூபக்கர் மருத்துவமனையில் சிகிச்சை பலனின்றி உயிரிழந்தார். இந்த சம்பவம் பெரும் சோகத்தை ஏற்படுத்திய நிலையில், காயமடைந்த மற்றொரு மாணவர் சலாம் மருத்துவமனையில் தீவிர சிகிச்சை பெற்று வருகிறார். தகவலின் அடிப்படையில் சம்பவ இடத்திற்கு சென்ற போலீசார், விபத்து குறித்து விசாரணை நடத்தி வருகின்றனர்.