மதுபோதையில் ஏரியில் நீச்சல் அடித்தவருக்கு நேர்ந்த விபரீதம் | Chennai | Liquor |

சென்னை வேளச்சேரி, ஏரிக்கரை தெருவை சேர்ந்தவர் பிரபு. பெயிண்டரான இவர், மதுபோதையில் தனது மனைவியுடன் தொடர்ந்து தகராறில் ஈடுபட்டு வந்துள்ளார். இதேபோல் சம்பவத்தன்று ஏற்பட்ட தகராறில், வீட்டை விட்டு வெளியே சென்ற பிரபு, அருகில் இருந்த ஏரியில் குதித்து நீச்சலடித்துள்ளார். இதைக்கண்ட, அக்கம்பக்கத்தினர் பிரபுவுக்கு எச்சரிக்கை விடுத்த நிலையில், ஏரியில் இருந்த ஆகாய தாமரையில் சிக்கி பிரபு மூழ்கியதை பார்த்து போலீசில் தகவல் தெரிவித்துள்ளனர். தகவலின் அடிப்படையில் சம்பவ இடத்திற்கு வந்த போலீசார், ஏரியில் இருந்து பிரபுவை சடலமாக மீட்ட நிலையில், அவரது உடலை மருத்துவமனைக்கு கொண்டு சென்று தீவிர விசாரணை நடத்தி வருகின்றனர்.