பைக்கில் லிஃப்ட் கேட்ட மாணவியை பலாத்காரம் செய்த இளைஞர் - நாமக்கல்லில் அதிர்ச்சி

நாமக்கல் மாவட்டம் ராசிபுரம் அருகே, கல்லூரி மாணவியை பாலியல் வன்புணர்வு செய்த இளைஞரை போலீசார் கைது செய்தனர்.

கரூரில் இருந்து பேருந்தில் வந்த கல்லூரி மாணவி, ஆண்டகளூர்கேட் பகுதியில் இறங்கினார். அப்போது, அவ்வழியாக இருசக்கர வாகனத்தில் சென்ற இளைஞரிடம் லிப்ட் கேட்டுள்ளார். மாணவியை இருசக்கர வாகனத்தில் ஏற்றிச்சென்ற அந்த இளைஞர், அணைப்பாளையம் புறவழிச்சாலை வழியாக, மழைகரடு அடிவாரப் பகுதிக்கு அழைத்துச் சென்று பாலியல் பலாத்காரம் செய்துள்ளார். மேலும், மாணவியிடம் இருந்து ரொக்கப்பணம் மற்றும் செல்போனை பறித்துக்கொண்டு அங்கிருந்து தப்பியுள்ளார். இதுகுறித்து ராசிபுரம் மகளிர் காவல்நிலைய போலீசார் விசாரணை நடத்தினர். இதையடுத்து, தொப்பப்பட்டி ராஜவீதி பகுதியைச் சேர்ந்த பெரியசாமி என்பவரது மகன் மணியை போலீசார் கைது விசாரணை நடத்தி வருகின்றனர். டிப்ளமோ முடித்துள்ள மணி, கரும்பு அரவை ஆலையில் ஊழியராக பணியாற்றி வருவது தெரியவந்தது.