இளைஞர் மீது டிராக்டர் மோதி பலி.. டிரைவரை கண்ணில் காண்பிக்குமாறு சடலத்துடன் உறவினர்கள் போராட்டம்

திருப்பத்தூர் மாவட்டம் வாணியம்பாடி அருகே, இருசக்கர வாகனம் மீது டிராக்டர் மோதியதில், இளைஞர் ஒருவர் உயிரிழந்தார்.

ஜாப்ராபாத் பகுதியை சேர்ந்த அப்ரார் அஹமத் என்பவர் இருசக்கர வாகனத்தில் சென்ற போது, மேட்டுப்பாளையம் என்ற இடத்தில் எதிரே வந்த டிராக்டர் மோதி விபத்துக்குள்ளானது. இதில், படுகாயமடைந்த அப்ரார் அஹமத், சம்பவ இடத்திலேயே உயிரிழந்தார். இதையறிந்த உறவினர்கள், விபத்து ஏற்படுத்திய ஓட்டுநரை கைது செய்ய கோரி, இறந்தவரின் சடலத்தை சாலையில் வைத்து மறியலில் ஈடுபட்டனர். பின்னர், இளையநகரம் பகுதியை சேர்ந்த டிராக்டர் ஓட்டுநர் அஜித்குமார் என்பவரை கைது செய்ததை அடுத்து, உறவினர்கள் போராட்டத்தை கைவிட்டனர். மேலும், கைது செய்யப்பட்ட ஓட்டுநரை தங்களுக்கு காண்பிக்குமாறு, காவல் நிலையத்தை முற்றுகையிட்டு உயிரிழந்த அப்ரார் அஹமத்தின் உறவினர்கள் போராட்டம் நடத்தினர். பின்னர், ஓட்டுநர் அஜித்குமாரை காண்பித்து போராட்டை கலைத்தனர்.