சென்னையில் போலீசை அடிக்க மனைவிக்கு போன் போட்டு வரவழைத்த இளைஞர் - போலீஸ் காயம்.. அதிர்ச்சி காட்சிகள்

சென்னையில் மது அருந்தி வாகனம் ஓட்டிய இளைஞர், போலீசாரின் ப்ரீத் அனலைசர் சோதனைக்கு மறுத்த நிலையில், தொடர்ந்து வற்புறுத்திய போலீசாரை மனைவியை வரவழைத்து தாக்கிய சம்பவம் அரங்கேறியுள்ளது.சென்னை சூளைமேடு பகுதியை சேர்ந்தவர் சத்யராஜ். இவர் தனது நண்பருடன் நள்ளிரவு மது அருந்திவிட்டு வாகனத்தில் சென்றுள்ளார். அப்போது சூளைமேடு பகுதியில் ரோந்து பணியில் ஈடுபட்ட போலீசார் சத்யராஜை மறித்து சோதனை நடத்தியுள்ளனர். அப்போது, போலீசாரின் ப்ரீத் அனலைசர் சோதனைக்கு எதிர்ப்பு தெரிவித்த சத்யராஜ் மற்றும் அவரது நண்பர் போலீசாருடன் வாக்குவாதத்தில் ஈடுபட்டனர். ஒரு கட்டத்தில் வாக்குவாதம் முற்றவே, தனது மனைவியை செல்போன் மூலம் வரவழைத்த சத்யாராஜ், மனைவி மற்றும் நண்பர் மூலம் போலீசாரை தாக்கி சென்ற சம்பவம் அதிர்ச்சியை ஏற்படுத்தியது.