பட்டப்பகலில் ஓடும் பஸ்ஸில் பெண்ணிடம் அத்துமீறல்..! அதிர வைக்கும் ஷாக் வீடியோ

சக்கிமங்கலத்திலிருந்து மதுரை தெப்பக்குளம் வரை செல்லும் தனியார் சிற்றுந்து ஒன்றில் பெண்ணிடம் அத்துமீறிய நபரால் பெரும் பரபரப்பு ஏற்பட்டுள்ளது. இது தொடர்பாக சமூக வலைதளதில் பரவி வரும் வீடியோவில், பாண்டிகோவில் நிறுத்தம் அருகே காக்கி சட்டை மற்றும் கைலியுடன் ஏறிய நபர் குடிபோதையில் பேருந்து ஓட்டுனரையும், நடத்துனரையும் தகாத வார்த்தைகளால் திட்டுவது பதிவாகியுள்ளது. மேலும் பேருந்து இருக்கையில் அமர்ந்திருந்த பெண்ணிடமும் அவர் அத்துமீறுவதும் அந்த வீடியோவில் பதிவாகியுள்ளது. அந்த நேரத்தில் பேருந்தில் பயணம் செய்த சக பயணி இதனை வீடியோ பதிவாக எடுத்து சமூக வலைதளங்களில் வெளியிட்டுள்ளார். பெண்ணிடம் அத்துமீறும் போதை ஆசாமியை போலீசார் கைது செய்ய வேண்டும் எனவும் கோரிக்கை எழுந்துள்ளது