கார் வாங்குவது போல் நடித்து அபேஸ் செய்த திருட்டு மன்னன்

கார் வாங்குவது போல் நடித்து அபேஸ் செய்த திருட்டு மன்னன்

புதுச்சேரியில், கார் வாங்குவதுபோல் நடித்து, காரை திருடிச் சென்ற இளைஞரை, போலீசார் கைது செய்தனர். லாஸ்பேட்டையை சேர்ந்த குமரன் என்பவர் தனது காரை விற்பனை செய்வதாக சமூக வலைதளத்தில் விளம்பரம் செய்துள்ளார். அதுதொடர்பாக குமரனை நாடிய இளைஞர் ஒருவர், காரை ஓட்டிப் பார்க்க வேண்டும் எனக் கூறி, காருடன் மாயமானார். இதுதொடர்பாக அளித்த புகாரின் பேரில், மரக்காணத்தில் அந்த இளைஞரை பிடித்த தமிழக போலீசார், பின்னர் புதுச்சேரி போலீசாரிடம் ஒப்படைத்தனர். விசாரணையில், கேரளாவைச் சேர்ந்த முகமது அஸ்லாம் என்பதும், இவர் மீது பல்வேறு வாகன திருட்டு வழக்குகள் பதிவாகி இருப்பதும் தெரியவந்தது.