அரிசி மூட்டைக்குள் உஸ் உஸ் சத்தம் - அரண்டு போன அதிகாரிகள் - அலறவிட்ட நல்ல பாம்பு

திருடு போன ரேஷன் அரிசி மூட்டைகளை மீட்க சென்ற அதிகாரிகளை நல்ல பாம்பு ஒன்று அலறவிட்ட சம்பவம் காரைக்குடியில் நிகழ்ந்துள்ளது... சிவகங்கையில் பல்வேறு ரேஷன் கடைகளில் அரிசி திருடு போன விவகாரத்தில் போலீசார் சிலரைக் கைது செய்து விசாரித்தனர். அரிசி மூட்டைகள் கொத்தமங்கலத்தில் வடிவேலு என்பவரிடம் விற்பனை செய்யப்பட்டது கண்டறியப்பட்ட நிலையில், அதிகாரிகள் சம்பந்தப்பட்ட குடோனில் சோதனை செய்து 600 மூட்டைகளை கைப்பற்றினர். சோதனையின் போது அரிசி மூட்டைகளுக்குள் இருந்து திடீரென மேலெழுந்த மூன்றடி நீள நல்ல பாம்பைக் கண்டு அதிகாரிகள் பீதியில் உறைந்தனர். தகவல் அறிந்து வந்த தீயணைப்புத் துறையினர் லாவகமாக நல்ல பாம்பை மீட்டனர். மேலும் ரேஷன் அரிசி திருட்டு விவகாரத்தில் 4 பேர் கைது செய்யப்பட்டுள்ளனர்.