"அரியர் மாணவர்களுக்கு ஓர் அரிய வாய்ப்பு" - புதுச்சேரி பல்கலைக் கழகம்

2006 முதல் 2016 வரை படித்து கலை அறிவியல் படிப்பில் அரியர் வைத்திருக்கும் மாணவர்களுக்கு மீண்டும் தேர்வெழுத புதுச்சேரி பல்கலைக்கழகம் அனுமதி வழங்கியுள்ளது. இதுகுறித்து, பல்கலை தேர்வு கட்டுப்பாட்டாளர் வெளியிட்டுள்ள சுற்றறிக்கையில், தேர்ச்சி பெறாத இளங்கலை மற்றும் முதுநிலை மாணவர்களுக்கு அரியர் தேர்வெழுத வாய்ப்பு வழங்கப்படுகிறது. தேர்வின் அறிவிப்பு உரிய நேரத்தில் பல்கலைக்கழக இணையதளத்தில் வெளியிடப்படும். அப்போது,

தேர்வுக்கு பதிவு செய்யும் மாணவர்கள் பதிவு கட்டணமாக 3 ஆயிரம் மற்றும் ஒவ்வொரு எழுத்து தேர்வு தாள்களுக்கான கட்டணமாக ஆயிரம் ரூபாயும் செலுத்தி விண்ணப்பிக்கலாம் என தெரிவிக்கப்பட்டுள்ளது.