நடுரோட்டில் பலியான குட்டி நாய் - துக்கத்துடன் பார்த்து கொண்டிருந்த தாய்

கிருஷ்ணகிரி மாவட்டம், ஓசூர், பெரியார் நகர் பகுதியில் அடையாளம் தெரியாத வாகனம் மோதிய விபத்தில், சாலையை கடக்க முயன்ற குட்டி நாய், பரிதாபமாக உயிரிழந்துள்ளது. ரத்த வெள்ளத்தில் தனது குட்டி உயிரற்றுக் கிடப்பதை கண்ட தாய் நாய், கண்ணீர் மல்க செய்வதறியாது திகைத்தது. பின்னர், அவ்வழியாக சென்ற இளைஞர் ஒருவர், இறந்து கிடந்த குட்டியை எடுத்து அருகில் இருந்த குப்பைத் தொட்டியில் போட்டுச் சென்றுள்ளார். குப்பைத்தொட்டி செல்லும் வரை ஏக்கத்துடன் தாய்நாய் பார்த்துக் கொண்டிருந்த சம்பவம், அப்பகுதியில் பெரும் சோகத்தை ஏற்படுத்தியுள்ளது.