"கருணாநிதியிடம் உள்ள திறமைகளில் ஒரு பகுதி, உதயநிதியிடம் உள்ளது"அமைச்சர் உதயநிதியை பாராட்டிய நடிகர் பார்த்திபன்

முன்னாள் முதல்வர் கருணாநிதியைப் போன்று, உதயநிதி ஸ்டாலினிடம் அதிக திறமைகள் உள்ளன என்று நடிகர் பார்த்திபன் கூறியுள்ளார்.

சென்னையில் தொடங்கிய இருபதாவது சர்வதேச திரைப்பட விழாவில் நடிகர் பார்த்திபன் கலந்து கொண்டார்.

பின்னர் செய்தியாளர்களிடம் பேசிய அவர், திரைப்பட விழாவுக்கு தமிழக அரசு வழங்கும் 75 லட்ச ரூபாய் போதுமானதாக இல்லை என்பதை சுட்டிக்காட்டி முதல்வருக்கு கடிதம் எழுதிருப்பதாகக் கூறினார்.

இந்தத் தொகையை ஒரு கோடி ரூபாயாக உயர்த்தி வழங்க வேண்டும் என்று அவர் கூறினார்.

வாரிசு என்ற காரணத்துக்காக மட்டுமே உதயநிதியை ஒதுக்க கூடாது என்றும், முன்னாள் முதல்வர் கருணாநிதியிடம் உள்ள திறமைகளில் ஒரு பகுதி, உதயநிதியிடம் உள்ளது என்றும் நடிகர் பார்த்திபன் கூறினார்.