AI-யின் புதிய விளக்கம்.. டி-சர்டில் அச்சடித்து மோடிக்கு பரிசளித்த பைடன்

அமெரிக்கா சுற்றுப்பயணம் சென்ற பிரதமர் மோடிக்கு அமெரிக்க அதிபர் பைடன் சிறப்பு டி-சர்ட் ஒன்றைப் பரிசாக அளித்து மகிழ்ந்தார்... வெள்ளை மாளிகையில் அமெரிக்க-இந்திய தொழிலதிபர்கள், பெரு நிறுவனங்களின் தலைவர்களை பிரதமர் மோடி சந்தித்தார். அப்போது, செயற்கை நுண்ணறிவு குறித்த பிரதமர் மோடியின் மேற்கோள் அச்சிடப்பட்ட சிறப்பு டிசர்ட்டை ஜோ பைடன் மோடிக்கு பரிசாக வழங்கி கவுரவித்தார். அமெரிக்க நாடாளுமன்ற உரையில் அமெரிக்கா மற்றும் இந்தியாவில் செயற்கை நுண்ணறிவின் வளர்ச்சியை பிரதமர் மோடி வெகுவாகப் பாராட்டினார். இந்த ஏஐ, அதாவது செயற்கை நுண்ணறிவு சகாப்தத்தில், மற்றொரு ஏஐ-ஆன அமெரிக்கா - இந்தியா அதிக முன்னேற்றங்களைக் கண்டுள்ளதாக அவர் வெகுவாகப் பாராட்டினார்.