நடுரோட்டில் பதுங்கி பதுங்கி வந்து இளைஞர் முதுகில் துப்பாக்கியால் சுட்ட மர்ம நபர்.

மொரதாபாத் மாவட்டம் கோட்வாலி பகுதியில், விஷால் என்ற இளைஞரை, மர்மநபர் ஒருவர் துப்பாக்கியால் இருமுறை சுட்டுவிட்டு, அங்கிருந்து தப்பியோடினார். இந்த சம்பவம் அங்கிருந்த சிசிடிவி கேமராவில் பதிவாகியது. இதில் குண்டு துளைத்ததில் படுகாயமடைந்து உயிருக்குப் போராடிக் கொண்டிருந்த இளைஞரை, போலீசார் மீட்டு தனியார் மருத்துவமனையில் அனுமதித்தனர். ஆனால், அவரை பரிசோதித்த மருத்துவர்கள், வரும் வழியிலேயே உயிரிழந்து விட்டதாக தெரிவித்தனர். இதுதொடர்பாக வழக்குப்பதிவு செய்த போலீசார், துப்பாக்கியால் சுட்ட மர்மநபரை தேடி வருகின்றனர்.