திடீரென வீட்டினுள் புகுந்த மர்ம கும்பல்.. தூங்கியவரை துடிக்க துடிக்க வெட்டி கொலை - நெஞ்சை உலுக்கிய சம்பவம்

காரைக்குடையில் வீடு புகுந்து இளைஞர் வெட்டி கொலை செய்யப்பட்ட சம்பவம் குறித்து போலீசார் தீவிர விசாரணை நடத்தி வருகின்றனர். காரைக்குடி செஞ்சை பகுதியை சேர்ந்தவர் அலெக்ஸ் பாண்டி. இவர் வீட்டில் தூங்கிக்கொண்டிருக்கும் போது, வீட்டினுள் புகுந்த கும்பல் அலெக்ஸ் பாண்டியை கொடூரமாக அரிவாளால் தாக்கியுள்ளனர். இதைக்கண்டு அதிர்ச்சியடைந்த அவரது தாய் கூச்சலிட்ட நிலையில், மர்மகும்பல் தப்பியோடியது. உடனே, இளைஞரை மீட்டு அக்கம்பக்கத்தினர் மருத்துவமனையில் அனுமதித்த நிலையில், சிகிச்சை பலனின்றி அலெக்ஸ் பாண்டி உயிரிழந்தார். இந்த சம்பவம் குறித்து தீவிர விசாரணை நடத்தி வரும் போலீசார், மர்ம கும்பலை தேடி வருகின்றனர்.