பேருந்து ஓட்டுநரை மிரட்டி, மர்ம கும்பல் பணம் பறித்த சம்பவம்

காஞ்சிபுரம் மாவட்டம் கோவூர் மேம்பாலம் அருகே சென்று கொண்டிருந்த அரசு பேருந்து ஓட்டுநரை மிரட்டி, மர்ம கும்பல் பணம் பறித்த சம்பவம் பரபரப்பை ஏற்படுத்தி உள்ளது.

அரசு பேருந்து ஓட்டுநராக வேலை பார்த்து வரும் முரளி கிருஷ்ணன், அதிகாலையில் வேலைக்கு சென்றுள்ளார்.

அப்போது கோவூர் மேம்பாலம் அருகே, 2 இருசக்கர வாகனங்களில் வந்த 5 பேர் கொண்ட கும்பலில் இருந்து ஒரு நபர் மட்டும் இறங்கி வந்து, முரளி கிருஷ்ணனிடம் கத்தியை காட்டி மிரட்டி, பணத்தை பறித்து சென்றுள்ளார்.

இது தொடர்பான சிசிடிவி காட்சி வெளியாகி உள்ள நிலையில், போலீசார் இது குறித்து விசாரித்து வருகின்றனர்.