சாலையில் திடீரென வெடித்த டயர்..மரத்தில் மோதி சொகுசு கார் விபத்து...தூத்துக்குடியில் பயங்கரம்

தூத்துக்குடி மாவட்டம் திருச்செந்தூர் அருகே, சொகுசு கார் மரத்தில் மோதி 5 பேர் காயமடைந்தனர். திண்டுக்கல் மாவட்டம் கோபால்பட்டியை சேர்ந்த சிவமணி என்பவர், தனது குடும்பத்தினருடன் திருச்செந்தூர் முருகன் கோயிலில் சாமி தரிசனம் செய்துவிட்டு காரில் திரும்பிக் கொண்டிருந்தார். ஆத்தூர் அருகே கீரனூரில், கார் டயர் திடீரென வெடித்தது. இதனால் சாலையோரத்தில் இருந்த மரத்தின் மீது கார் மோதி விபத்துக்குள்ளானதில் சிவமணி, அவரது மனைவி பாக்கியம் உள்ளிட்ட 5 பேர் காயமடைந்தனர். பொதுமக்கள் உதவியுடன் காயமடைந்தவர்களை போலீசார் மீட்டு மருத்துவமனையில் சேர்த்தனர்.