3 அடி உடும்பை விழுங்கிய ராட்சத பாம்பு..மெல்ல மெல்ல கக்கும் அதிர்ச்சி காட்சி

நீலகிரி மாவட்டத்தில் நாகப்பாம்பு ஒன்று, மூன்றடி நீளமுள்ள உடும்பை முழுவதும் விழுங்கியது பாம்பு பிடிப்பாளர்கள் இடையே ஆச்சரியத்தை ஏற்படுத்தி உள்ளது. மசினகுடி ஊராட்சிக்குட்பட்ட வாழைத்தோட்டம் பகுதியில் ஒரு ராட்சத நாகப்பாம்பு, ஏதோ ஒன்றை விழுங்கி ஜீரணமாகாமல் தவித்து வந்தது. இதை கண்ட வனத்துறையினர், பாம்பு பிடிப்பாளர் ஸ்நேக் முரளியுடன் பாம்புக்கு உதவ முயற்சித்தனர். இதையடுத்து, அந்தப் பாம்பு மெல்ல மெல்ல அது விழுங்கிய உடும்பை கக்கியதை, வனத்துறையினர் ஆச்சரியத்தில் கண்டனர். உடும்பு உயிரிழந்த நிலையில், பாம்பை உயிருடன் பிடித்த ஸ்நேக் முரளி, அதை வனப்பகுதியில் பத்திரமாக விட்டார்.