மெத்தை தயாரிக்கும் கம்பெனியில் தீ விபத்து... தீயை அணைக்க நடந்த போராட்டம்

கிருஷ்ணகிரி மாவட்டம் ஓசூர் அருகே மெத்தை தயார் செய்யும் கம்பெனியில் ஏற்பட்ட தீ விபத்தில் பல லட்ச ரூபாய் மதிப்புள்ள பொருட்கள் சேதமாயின. தளியை அடுத்த பெல்லூர் கிராமத்தில், மெத்தை தயார் செய்யும் கம்பெனியில் நேற்று இரவு தீ விபத்து ஏற்பட்டது. தகவலறிந்து சென்ற தீயணைப்புத் துறையினர், தண்ணீரை பீய்ச்சி அடித்து போராடி தீயை அணைத்தனர். இந்த விபத்தில் பல லட்சம் ரூபாய் மதிப்பிலான பொருட்கள் எரிந்து சாம்பலாயின. விபத்து குறித்து போலீசார் வழக்குப் பதிவு செய்து விசாரணை நடத்தி வருகின்றனர்.