வாங்கிய புது செருப்பில் சிறுநீர் கழித்த நாய்... நாயை துடி துடிக்க கொன்ற இளைஞர்... ஈரோட்டில் நடந்த பயங்கரம்

ஈரோடு மாவட்டத்தில், தனது காலணி மீது சிறுநீர் கழித்த நாயை கொலை செய்தேன் என புகைப்படத்துடன் சமூக வலைதளத்தில் பதிவிட்ட இளைஞர் மீது போலீசார் வழக்குபதிவு செய்தனர்.

தேனி மாவட்டம் பெரியகுளத்தை சேர்ந்தவர் தினேஷ். இவர், ஈரோடு மாவட்டத்தில் உள்ள பெருந்துறை தொழில் பேட்டையில் பணிபுரிந்து வரும் நிலையில், தான் வசிக்கும் வீட்டின் அருகில் உள்ள நாய் , தனது காலணி மீது சிறுநீர் கழித்ததால் கொலை செய்தேன் என புகைப்படத்துடன் சமூக வலைதளத்தில் பதிவிட்டிருந்திருந்தார். மேலும் தன்னை மன்னித்து விடுங்கள் என மீண்டும் ஒரு பதிவையும் அவர் வெளியிட்டிருந்த நிலையில் இதைக்கண்டு அதிர்ச்சியடைந்த விலங்குகள் நல அமைப்பினர் தினேஷ் மீது சென்னிமலை காவல்நிலையத்தில் புகார் அளித்தனர். இதனடிப்படையில், தினேஷ் மீது இரண்டு பிரிவுகளின் கீழ் வழக்குப்பதிவு செய்துள்ளனர். மேலும் தலைமறைவான தினேஷை போலீசார் தேடி வருகின்றனர்.