ஒரு நாள் HM ஆன 12ம் வகுப்பு மாணவி - இன்ப அதிர்ச்சி அளித்த தலைமை ஆசிரியர்

திருவாரூர் மாவட்டம் திருத்துறைப்பூண்டி அருகே அரசு மேல்நிலைப்பள்ளியில் மகளிர் தினத்தை முன்னிட்டு ஒரு நாள் தலைமை ஆசிரியராக 12ம் வகுப்பு மாணவி பொறுப்பேற்ற சம்பவம் ஆச்சரியத்தை ஏற்படுத்தியுள்ளது... நெடும்பலம் அரசு மேல்நிலைப் பள்ளியில் இன்று சர்வதேச மகளிர் தினத்தை முன்னிட்டு, தொடர்ந்து விடுப்பு எடுக்காமலும் பல்வேறு திறமைகளுடனும் விளங்கும் 12-ம் வகுப்பு படிக்கும் மாணவி பிரியதர்ஷினி இன்று ஒரு நாள் தலைமை ஆசிரியராக பதவி வகிப்பார் என தலைமை ஆசிரியர் தங்க ராசு இன்ப அதிர்ச்சி அளித்தார்... தேசிய கொடி ஏற்றி வைத்த மாணவி பிரியதர்ஷினிக்கு தங்கராசு சால்வை அணிவித்து இருக்கையில் அமர வைத்தார்... இந்த அறிவிப்பை பள்ளி மாணவர்கள் அனைவரும் கைதட்டி வரவேற்றனர்...