கார் மோதி இளம்பெண் பல கிமீ இழுத்துச் செல்லப்பட்ட விவகாரம்... "வெட்கி தலைகுனிகிறோம்..." - "அவர்கள் தூக்கிலிடப்பட வேண்டும்"

டெல்லியின் புறநகர் பகுதியில் இளம்பெண் ஒருவர் காரில் சக்கரத்தில் சிக்கி இழுத்து செல்லப்படுவதாக போலீசாருக்கு புகார் கிடைத்துள்ளது.

அதைத்தொடர்ந்து சிலமணி நேரங்களில் கஞ்சவாலா பகுதி அருகே, ஆடைகள் கிழிந்த நிலையில் இளம்பெண் சடலமாக மீட்கப்பட்டார்.

இதுகுறித்து தகவல் தெரிவித்துள்ள போலீசார், காரில் மோதி ஆடை சிக்கிய நிலையில் இளம்பெண் சுமார் 4 கிலோமீட்டர் தூரம் சாலையில் இழுத்து செல்லப்பட்டுள்ளதாக தெரிவித்துள்ளனர்.

மேலும் காரில் இருந்த 5 பேரை கைது செய்ததாக தெரிவித்துள்ள போலீசார், 5 பேரும் மதுபோதையில் இருந்ததாகவும் தெரிவித்துள்ளனர்.

முன்னதாக பாலியல் வன்கொடுமை நடந்திருக்கலாம் என சந்தேகிக்கப்பட்ட நிலையில், தற்போது விபத்தால் மட்டுமே இளம்பெண் இறந்துள்ளதாக போலீசார் உறுதி செய்துள்ளனர்.