பெட்ரோல் பங்கில் எரிபொருள் நிரப்ப வந்த கார்... திடீரென தீப்பற்றி எரிந்ததால் பரபரப்பு

கரூர் மாவட்டம் புத்தாம்பூர் பகுதியில், பெட்ரோல் பங்கில் எரிபொருள் நிரப்ப வந்த கார் திடீரென பற்றி எரிந்ததால் பரபரப்பு ஏற்பட்டது.

புத்தாம்பூர் பகுதியில், கரூர் - மதுரை தேசிய நெடுஞ்சாலையில் அமைந்துள்ள தனியார் பெட்ரோல் பங்கிற்கு எரிபொருள் நிரப்புவதற்காக வந்த கார், திடீரென தீப்பற்றி எரிந்தது.

தீ பிடிப்பதற்கு முன்பே காரில் இருந்த அனைவரும் இறங்கியதால் பெரும் விபத்து தவிர்க்கப்பட்டது.

தகவல் அறிந்து வந்த தீயணைப்பு துறையினர், போராடி தீயை அணைத்த நிலையில், கார் முழுவதும் எரிந்து சேதமடைந்தது.