சாலையில் கட்டுப்பாட்டை இழந்த கார்... லாரி மீது கார் மோதி சுக்கு நூறாகி கோர விபத்து... புதுச்சேரியில் பரபரப்பு

திண்டிவனம்-புதுச்சேரி பைபாஸ் சாலையில் கட்டுப்பாட்டை இழந்த கார் எதிரே வந்த லாரி மீது மோதியதில் பிரபல ரவுடி உள்பட 5 பேர் படுகாயமடைந்தனர். புதுச்சேரி வினோபா நகரை சேர்ந்தவர் பிளமின்ராஜா. பிரபல ரவுடியான இவர் தனது நண்பர்களான ஆறுமுகம், விவேக், மணி, வினோத் ஆகியோருடன் அச்சரப்பாக்கத்தில் நடந்த ஒரு விசேஷத்திற்கு சென்றுவிட்டு, அங்கிருந்து புதுச்சேரி திரும்பிக்கொண்டிருந்தனர்.

ஆரோவில் அருகே வந்தபோது எதிரே வந்த டிப்பர் லாரி மீது கார் மோதியதில் 5 பேரும் பலத்த காயமடைந்தனர். இவர்களை அக்கம்பத்தினர் மீட்டு சிகிச்சைக்காக புதுச்சேரி ஜிப்மர் மருத்துவமனைக்கு அனுப்பி வைத்தனர். இதுகுறித்து ஆரோவில் போலீசார் விசாரணை நடத்தி வருகின்றனர்.