டிரக் மீது பேருந்து மோதி கோர விபத்து... 6 பேர் உயிரை காவு வாங்கிய பனிமூட்டம்

உத்தரப்பிரதேச மாநிலம், லக்னோ - பஹ்ரைச் நெடுஞ்சாலையில், டிரக் மீது பேருந்து மோதி விபத்திற்குள்ளானது. அதிகாலையில் நடந்த இந்த கோர விபத்தில், 6 பேர் சம்பவ இடத்திலேயே பரிதாபமாக உயிரிழந்தனர். மேலும் 15 பயணிகள் காயமடைந்த நிலையில், 4 பேரின் நிலை கவலைக்கிடமாக உள்ளது. விசாரணையில், பனிமூட்டம் காரணமாக விபத்து நடந்திருக்கலாம் எனத் தெரிகிறது. இந்நிலையில், விபத்தில் உயிரிழந்தவர்களின் குடும்பத்தினருக்கு முதல்வர் யோகி ஆதித்யநாத் இரங்கல் தெரிவித்துள்ளார். காயமடைந்தவர்களுக்கு உரிய சிகிச்சை அளிக்கவும் உத்தரவிட்டுள்ளார்.