அதிவேகத்தில் ஆம்புலன்ஸ் மீது மோதிய பைக்.. அந்தரத்தில் தூக்கி வீசப்பட்ட நபர்கள் - அதிர்ச்சி சிசிடிவி காட்சி

கன்னியாகுமரி மாவட்டம் வெட்டுமணி பகுதியில், தனியார் ஆம்புலன்ஸ் மீது இருசக்கர வாகனம் மோதியதில், சம்பவ இடத்திலேயே ஒருவர் உயிரிழந்தார். தனியார் நிதி நிறுவன ஊழியர் சுதீர், அவரது நண்பர் மாகீன் ஆகியோர் வெட்டுமணியில் இருந்து புதுக்கடை நோக்கி இருசக்கர வாகனத்தில் சென்றனர். வெட்டுமணி பகுதி அருகே, கட்டுப்பாட்டை இழந்த இருசக்கர வாகனம், எதிரே வந்த தனியார் ஆம்புலன்ஸ் மீது மோதியது. இதில், சுதீர் தூக்கி வீசப்பட்டு, சம்பவ இடத்திலேயே உயிரிழந்தார். படுகாயமடைந்த மாகீன், உடனடியாக மீட்கப்பட்டு தனியார் மருத்துவமனையில் அனுமதிக்கப்பட்டார். விபத்து குறித்த சிசிடிவி காட்சி வெளியாகி அதிர்ச்சியை ஏற்படுத்தியுள்ளது.