மது போதையில் ஆட்டோவை ஓட்டி பைக் மீது மோதிய ஓட்டுநர் - அடுத்த நொடியே தூக்கி வீசப்பட்ட 2 வயது குழந்தை

வாணியம்பாடியில் மதுபோதையில் ஆட்டோவை ஓட்டி விபத்தை ஏற்படுத்தியவரை பொதுமக்கள் பிடித்து போலீசில் ஒப்படைத்தனர். திருப்பத்தூர் மாவட்டம் வாணியம்பாடி வி எம் சி காலனியை சேர்ந்த சுரேஷ் என்பவர் மது போதையில் லோடு ஆட்டோவை ஓட்டிக்கொண்டு வாணியம்பாடி நோக்கி சென்றுள்ளார். நியு டவுன் அருகே தேசிய நெடுஞ்சாலையில் வந்தபோது முன்னால் சென்று கொண்டிருந்த இருசக்கர வாகனத்தின் மீது ஆட்டோ மோதி கவிழ்ந்தது.

இந்த விபத்தில் இருசக்கர வாகனத்தில் வந்த சுபாஷ், அவருடைய மனைவி மற்றும் 2 வயது குழந்தை சுஜய் ஆகியோர் படுகாயமடைந்தனர். இவர்களை மீட்டு மருத்துவமனைக்கு அனுப்பி வைத்த பொதுமக்கள் மதுபோதையில் இருந்த ஆட்டோ ஓட்டுனரை பிடித்து போலீசில் ஒப்படைத்தனர்.