பிரதமர் மோடி பிறந்தநாளை ஒட்டி 87 ஆயிரம் பேர் ரத்த தானம் - "புதிய மைல்கல்" மத்திய அமைச்சர் பெருமிதம்

பிரதமர் மோடியின் பிறந்த நாளை ஒட்டி, ஒரே நாளில் 87 ஆயிரத்திற்கும் மேற்பட்டோர் ரத்த தானம் செய்து புதிய மைல்கல் சாதனை படைத்துள்ளதாக மத்திய சுகாதாரத்துறை தெரிவித்துள்ளது.

இதுதொடர்பாக மத்திய சுகாதாரத்துறை அமைச்சர் மான்சுக் மாண்டவியா பகிர்ந்த தகவலில், நேற்று ஒரே நாளில் 87 ஆயிரத்து 137 பேர் ரத்த தானம் செய்துள்ளதாகவும், நாடு முழுவதும் நடைபெற்ற மெகா ரத்த தான முகாமில் குருதியை கொடையாக கொடுக்க தன்னார்வலர்கள் ஆர்வம் காட்டியுள்ளதாகவும் கூறியுள்ளார்.

உயிர் காக்கும் ரத்த தானம் வழங்கி தன்னார்வலர்கள் புதிய சாதனையை படைத்துள்ளதாகவும் மத்திய அமைச்சர் பெருமிதம் தெரிவித்துள்ளார்.