3 காட்டு யானைகள் வனப்பகுதிக்குள் விரட்டியடிப்பு - நன்றி தெரிவித்த மக்கள்

ஓசூர் அருகே உள்ள கிரியனப்பள்ளி, ஏணி முச்சந்திரம், ஆலஹள்ளி ஆகிய கிராமங்களில் 3 காட்டு யானைகள் சுற்றித்திரிந்து வேளாண் பயிர்களை சேதப்படுத்தி வந்தன. இந்த காட்டு யானைகளால் அப்பகுதி பொதுமக்களும் கடும் அச்சத்தில் இருந்தனர். இதனையடுத்து 10-க்கும் மேற்பட்ட வனத்துறையினர் பட்டாசுகள் வெடித்து 3 காட்டு யானைகளையும் கிராம பகுதிகளில் இருந்து வெளியேற்றி மரக்கட்டா வனப்பகுதிக்கு விரட்டினர். மேலும் யானைகளை மாநில எல்லை பகுதியான ஜவளகிரி வனப்பகுதிக்கு விரட்டும் பணியில் அவர்கள் ஈடுபட்டனர்.