ஹெட்மாஸ்டர் மீதான கோபத்தில் 159 பேர் உயிரோடு விளையாடிய 3 மாணவர்கள் - கதிகலங்கிப்போன கரூர் கலெக்டர்

கரூர் மாவட்டம், கடவூர் வட்டம் தரகம்பட்டி அருகே வீரணம்பட்டியில் அரசு நடுநிலைப்பள்ளி செயல்பட்டு வருகிறது. இந்த பள்ளியில் 159 மாணவ, மாணவியர் பயின்று வருகின்றனர். இந்நிலையில் கடந்த 11ஆம் தேதி அன்று இரவு மர்மநபர்கள் பள்ளியில் அமைக்கப்பட்டு உள்ள 3 குடிநீர் தொட்டிகளில் திரவ சோப்பு ஆயிலை கலந்து சென்றனர்.

இதனால் மாவட்ட கலெக்டர் பிரபுசங்கர் உத்தரவின் பேரில் உடனடியாக பள்ளி வளாகத்தில் இருந்த 3 குடிநீர் தொட்டிகளை அகற்றினர். இந்த சம்பவம் குறித்து போலீசார் விசாரணை நடத்திய போது, அதே பகுதியை சேர்ந்த ரோகித், கோகுல், பூபதி ஆகிய 3 சிறுவர்கள் குற்றத்தை ஒப்பு கொண்டனர். 3 பேரையும் தலைமை ஆசிரியர் திட்டியதால் கோபத்தில் எண்ணெயை கலந்து விட்டதாக, சிறுவர்கள் விசாரணையில் தெரிவித்துள்ளனர். இதனை அடுத்து 3 சிறுவர்களையும் கைது செய்த போலீசார் சிறார் நீதிமன்றத்தில் ஆஜர்படுத்தினர்.