மின்சாரம் தாக்கி 3 சினை மாடுகள் உயிரிழப்பு

ஆவடி அருகே மின்சாரம் தாக்கியதில் மூன்று சினை மாடுகள் உயிரிழந்தன.

திருவள்ளூர் மாவட்டம், ஆவடி அடுத்த பருத்திப்பட்டு அக்ரஹாரம் தெருவில் 3 சினை மாடுகள் மேய்ந்து கொண்டிருந்தன.

அப்போது, மின் கம்பி அறுந்து விழுந்து மின்சாரம் பாய்ந்ததில் 3 மாடுகளும் உயிரிழந்தன.

இதைக் கண்ட அக்கம்பக்கத்தினர், மின்வாரியத்திற்கு தகவல் தெரிவித்ததன் பேரில், மின் விநியோகம் நிறுத்தப்பட்டது.

இதையடுத்து, மாட்டின் உரிமையாளர்களுக்கு உரிய நிவாரண தொகை கிடைக்க நடவடிக்கை எடுக்கப்படும் என வருவாய்த் துறை அதிகாரிகள் சார்பில் கூறப்பட்டுள்ளது.