20.87 லட்சம் பேர் நீட் தேர்வுக்கு விண்ணப்பம்

நாடு முழுவதும் இளநிலை மருத்துவப் படிப்புக்கான நீட் நுழைவுத்தேர்வு மே 7ம் தேதி நடைபெறுகிறது. விண்ணப்ப பதிவு கடந்த மார்ச் 6ம் தேதி தொடங்கி ஏப்ரல் 15ம் தேதி நிறைவடைந்தது. இதுவரை இல்லாத வகையில், இந்த ஆண்டு 20 லட்சத்து 87 ஆயிரத்து 445 பேர் விண்ணப்பித்துள்ளனர். இது, கடந்த ஆண்டை விட இரண்டரை லட்சம் அதிகமாகும். மாணவர்களை காட்டிலும் மாணவிகளே அதிகளவு விண்ணப்பித்துள்ளனர். மாணவிகள் 11 லட்சம் பேரும், மாணவர்கள் 9 லட்சம் பேரும் விண்ணப்பித்திருக்கின்றனர். தமிழகத்திலிருந்து ஒன்றரை லட்சம் மாணவர்கள் நீட் நுழைவுத் தேர்வுக்கு விண்ணப்பித்திருக்கக்கூடும் என தகவல் வெளியாகியுள்ளது.