தந்தை ஓட்டிய டிராக்டரில் சிக்கி 2 வயது மகன் உயிரிழப்பு..டிராக்டரை பின்னால் இயக்கியபோது நேரிட்ட சோகம்

திருவள்ளூர் மாவட்டம், நெமிலி இருளர் காலனியில் வசிக்கும் விஜய் என்பவர், அப்பகுதியில் உள்ள விவசாயிக்குச் சொந்தமான டிராக்டரை தினக்கூலிக்கு ஓட்டி வருகிறார். வேலை முடிந்து தனது வீட்டின் அருகே நிறுத்தி வைத்திருந்த டிராக்டரை விஜய் பின்னால் எடுக்க முயற்சி செய்துள்ளார். அப்போது, டிராக்டரின் பின்புறம் விளையாடிக் கொண்டிருந்த அவருடைய இரண்டாவது மகன் ஜெய்கிருஷ்ணன், டிராக்டரில் சிக்கி சம்பவ இடத்திலேயே பரிதாபமாக உயிரிழந்தார். தகவல் அறிந்து சென்ற கனகம்மாசத்திரம் போலீசார் குழந்தையின் உடலை மீட்டு பிரேத பரிசோதனைக்காக திருத்தணி அரசு மருத்துவமனைக்கு அனுப்பிவைத்தனர். மேலும் இதுகுறித்து வழக்கு பதிவு செய்து போலீசார் விசாரணை நடத்தி வருகின்றனர்.