'தேர்வில் தேர்ச்சி பெற மாட்டேன்'... தோல்வி பயத்தில் பிளஸ்-2 மாணவி தற்கொலை - திருச்சியில் அதிர்ச்சி

திருச்சி மாவட்டம் முசிறியை சேர்ந்தவர் பாலசுப்ரமணியம். இவர் திருத்தியமலை அரசு பள்ளியின் தலைமையாசிரியராக பணியாற்றி வருகிறார். இவரது மகள் வர்ஷா கடந்த 2020 ஆம் ஆண்டு தனியார் பள்ளியில் தனது பிளஸ்-2 படிப்பை பாதியிலே நிறுத்தியதாக தெரிகிறது. இந்நிலையில், இந்த ஆண்டு நடைபெற்ற பிளஸ்-2 பொதுத்தேர்வை வீட்டில் இருந்த படியே படித்து எதிர்கொண்டுள்ளார். பொதுத் தேர்வுகள் முடிந்த போதும், மாணவி தேர்வு பயத்தில் இருந்ததாக கூறப்படுகிறது. இதில், கடந்த 4 ஆம் தேதி மாணவி விஷம் குடித்து தற்கொலைக்கு முயன்ற நிலையில், பெற்றோர் மீட்டு மருத்துவமனையில் அனுமதித்துள்ளனர். அங்கு சிகிச்சை பெற்று வந்த வர்ஷா, சிகிச்சை பலனின்றி உயிரிழந்த சம்பவம் சோகத்தை ஏற்படுத்தியுள்ள நிலையில், போலீசார் விசாரணை நடத்தி வருகின்றனர்.