15 டிராக்டர்.. 500 வகை சீர்வரிசை... அசந்து போன தஞ்சாவூர் - மணப்பெண்ணை இம்ப்ரெஸ் செய்த மாப்பிள்ளை

தஞ்சாவூர் மாவட்டம் ஒரத்தநாடு அருகே, நிச்சயதார்த்த விழாவில் 15 டிராக்டர்களுடன் பிரமாண்டமாக சீர்வரிசை கொண்டு செல்லப்பட்டது. அருமுலை பகுதியைச் சேர்ந்த மலேசிய தொழிலதிபர் வீட்டு நிச்சயதார்த்த விழா, ஒரத்தநாடு அருகே அம்மா மண்டபத்தில் நடைபெற்றது. 500 வகையான சீர்வரிசை பொருட்களை 15 டிராக்டர் வாகனங்களில் ஏற்றி, அருமுலையில் இருந்து 10 கிலோ மீட்டர் தொலைவில் உள்ள மண்டபத்துக்கு மாப்பிள்ளை வீட்டார் ஆரவாரமாக கொண்டுச் சென்றனர். பிரமாண்டமான முறையில் நடைபெற்ற நிச்சயதார்த்த விழா, அப்பகுதி பொதுமக்களின் கவனத்தை ஈர்த்துள்ளது.