கேரளாவில் ஒரே நாளில் 10 கோடி யூனிட் மின்சாரம் பயன்பாடு

கேரளாவில் தினசரி மின்சார பயன்பாடு புதிய உச்சத்தை எட்டியுள்ளது. கேரளாவில் வெயிலின் தாக்கம் காரணமாக, மின்சார பயன்பாடு அதிகரித்து வருகிறது. இதன்காரணமாக நேற்று முன் தினம் மட்டும் கேரளாவில், இதுவரை இல்லாத அளவிற்கு 10.035 கோடி யூனிட் மின்சாரம் பயன்படுத்தப்பட்டுள்ளது. கேரளாவில் வழக்கத்தை விட 2 முதல் 4 டிகிரி வரை வெப்பம் அதிகரித்து காணப்படும் நிலையில், வெப்பநிலை மேலும் அதிகரிக்க வாய்ப்புள்ளதாக வானிலை ஆய்வு மையம் தெரிவித்துள்ளது குறிப்பிடத்தக்கது.