திமுக தலைவர் ஸ்டாலின் தலைமையில் இன்று மாவட்ட செயலாளர்கள் கூட்டம்

திமுக மாவட்ட செயலாளர்கள் கூட்டம் திமுக தலைவர் ஸ்டாலின் தலைமையில் இன்று வியாழன் காலை பத்தரை மணியளவில் சென்னை அண்ணா அறிவாலயத்தில் நடக்கிறது.

இந்த கூட்டத்தில் திமுகவில் நீண்ட காலம் பொதுச் செயலாளராக இருந்து மறைந்த பேராசிரியர் க. அன்பழகனின் நூற்றாண்டு பிறந்தநாள் நிறைவு விழாவை சிறப்பாக கொண்டாடுவது குறித்து ஆலோசிக்கப்பட உள்ளது.

இதற்காக திமுகவில் உள்ள 72 மாவட்ட செயலாளர்கள் கூட்டத்தில் பங்கேற்க உள்ளனர்.

மேலும் 2024 - ல் நடைபெற உள்ள நாடாளுமன்ற தேர்தலில் மேற்கொள்ள வேண்டிய பணிகள் குறித்து முதலமைச்சரும் திமுக தலைவருமான ஸ்டாலின் ஆலோசனைகளை வழங்குவார் என எதிர்பார்க்கப்படுகிறது.