பலத்த பாதுகாப்புடன் வடபழநி கோயில் வந்த சிருங்கேரி இளைய சங்கராச்சாரியார்

சென்னை வடபழநி ஆண்டவர் கோயிலுக்கு சிருங்கேரி இளைய சங்கராச்சாரியார் ஸ்ரீ விதுசேகர பாரதீ சுவாமிகள் வருகை தந்தார். கோவில் தக்கார் ஆதிமூலம் தலைமையில் பூரணகும்ப மரியாதை அளிக்கப்பட்டது. பின்னர் கோவிலுக்குள் சிறப்பாக ஏற்பாடு செய்யப்பட்டுள்ள அறுபடை ஆண்டவர் கொலு சன்னதியை தக்கார் சுற்றிக் காண்பித்தார். விநாயகர் சன்னதி, சிவன் சன்னதி சென்று விட்டு வடபழநி ஆண்டவர் மூலவர் சன்னதியில் ஸ்ரீ விதுசேகர பாரதீ சுவாமிகள் தரிசனம் செய்தார். அவரது வருகையை முன்னிட்டு வடபழநி ஆண்டவருக்கு சிறப்பு அலங்காரம் செய்யப்பட்டிருந்தது. மண்டபத்தில் அமர்ந்து பக்தர்களை, சுவாமிகள் ஆசீர்வதித்து பேசினார்.

ஸ்ரீ விதுசேகர பாரதீ சுவாமிகளைக் காணவும் அவரது பேச்சைக் கேட்கவும் பக்தர்கள் திரளாக கூடினர்.