டாஸ்மாக்கில்மது குடித்து கொண்டிருந்த போதே கை., கால் இழுத்து பறிபோன உயிர்

வேலூர் மாவட்டம், ஒடுகத்தூர் அருகே உள்ள பீஞ்சமந்தை ஊராட்சியை சேர்ந்த நாயக்கனூர் கிராமத்தை சேர்ந்தவர் சதீஷ் குமார். 26 வயதான இவருக்கு திருமணமாகி நதியா என்ற மனைவியும், இரண்டு குழந்தைகளும் உள்ளனர். இந்த நிலையில், கடந்த சனிக்கிழமை அன்று பீஞ்மந்தை பகுதியில் உள்ள மலை பகுதியில் அமர்ந்து, சதீஷ் குமார் மது அருந்தியதாக கூறப்படுகிறது. பின்னர் வலிப்பு வந்த நிலையில், மயங்கி கிடந்தார். உடனடியாக அவரை மீட்டு அரசு மருத்துவமனைியல் சிகிச்சை அளித்த நிலையில், நேற்று மாலை சிகிச்சை பலனின்றி உயிரிழந்தார்.இது குறித்து வழக்கு பதிவு செய்துள்ள போலீசார், சம்பவம் குறித்து விசாரணை நடத்தி வருகின்றனர்.