விருதுநகர் மாவட்டம் ராஜபாளையத்தை சுற்றியுள்ள கிராமங்களை சேர்ந்த 500 நபர்களுக்கு அமரன் திரைப்படத்திற்காக இலவச டிக்கெட்டுகளை படக்குழுவினர் வழங்கியுள்ளனர். பெருமாள் தேவன் பட்டி, சொக்கலிங்கபுரம், மீனாட்சிபுரம், துலுக்கன்குளம் மற்றும் கலங்காபெரி கிராமத்தில் ஏராளமானோர் ராணுவத்தில் பணிபுரிந்து வரும் நிலையில், அவர்களுக்கு பெருமை சேர்க்கும் விதமாக கிராமத்தில் உள்ள 500 பேருக்கு இலவச டிக்கெட்டு வழங்கப்பட்டுள்ளது. அதன்படி, திரையரங்கிற்கு வந்த கிராம மக்கள், வீர மரணம் அடைந்த மேஜர் முகுந்த் வரதராஜன் படத்திற்கு மரியாதை செலுத்தியதுடன், படத்தை நெகிழ்ச்சியுடன் பார்த்து சென்றுள்ளனர்.