செங்கல்பட்டு மாவட்டத்தில் உள்ள டாஸ்மாக் மதுபானக்கடையில் கள்ளத்தனமாக மது விற்பனை செய்யும் வீடியோ காட்சிகள் வெளியாகிப் பரபரப்பை ஏற்படுத்தியுள்ளது. சிங்கம்பெருமாள் கோவிலை அடுத்துள்ள கோவிந்தபுரம் டாஸ்மாக் கடையில் 24 மணி நேரமும் மது விற்பனை கள்ளத்தனமாக நடைபெற்று வருவதாகக் கூறப்படுகிறது. இது தொடர்பான வீடியோ காட்சிகள் வைரலாக பரவி வருகின்றன. அதில் காலை முதலே மதுப்பிரியர்கள் மதுவை வாங்கி செல்லும் காட்சிகள் பதிவாகியுள்ளன. மேலும் காலை நேரத்தில் இந்த டாஸ்மாக் கடையில் மதுவை வாங்குபவர்களுக்கு சைடிஸ் இலவசமாக கொடுக்கப்படுவதால் மதுப்பிரியர்களின் கூட்டம் அதிகமாகக் காணப்படுவதாகக் கூறப்படுகிறது.